७२ जिल्लामा फैलियो कोरोना संक्रमण

स्वास्थ्य

गृहपृष्ठ
स्वास्थ्य

ज्ञानेन्द्र निरौला शुक्रबार, वैशाख ३, २०७८

मेचीनगर, बैशाख ३ ।
कोरोना संक्रमणको दोस्रो लहर नेपालका अधिकाशं जिल्लामा फैलिएको छ । स्वास्थ्य तथा जनसंख्या मन्त्रालयले दिएको जानकारी अनुसार नेपालका ७२ जिल्लामा कोरोना संक्रमणको दोस्रो लहर फैलिसकेको छ ।

पछिल्लो एक साताको तथ्याङ्क अनुसार नेपालका ५ वटा जिल्लामा मात्र अहिलेसम्म कोरोना संक्रमणको दोस्रो लहर पुगेको छैन । मनाङ, मुस्ताङ, हुम्ला, बझाङ र दार्चुलामा भने अहिलेसम्म कोरोना संक्रमण नदेखिएको स्वास्थ्य तथा जनसंख्या मन्त्रालयले जनाएको छ ।

पछिल्लो एक साताको अवस्था हेर्दा काठमाण्डौमा सबैभन्दा धेरै संक्रमण फैलिएको छ । काठमाण्डौ जिल्लामा एक साता यता ८८२ जनामा संक्रमित भेटिएका छन । त्यस्तै दुई वटा जिल्लामा दुई सय भन्दा बढी संक्रमित छन । एक सातामा ललितपुरमा २११ जना र बाँकेमा २३८ जना संक्रमित थपिएका छन । देशका अन्य ६९ जिल्लामा यो साता दुई सय भन्दा कम संक्रमित थपिएका छन ।

प्रकाशित मिति: शुक्रबार, वैशाख ३, २०७८ ०९:२१