धुलाबारी माविद्वारा एउटै कार्यक्रममा तीन दर्जन बढीलाई सम्मान तथा पुरस्कार

देश

गृहपृष्ठ
देश

५९ औं राष्ट्रिय शिक्षा दिवस धुलाबारी माविद्वारा एउटै कार्यक्रममा तीन दर्जन बढीलाई सम्मान तथा पुरस्कार

सेतोपत्र डेस्क शुक्रबार, भदौ २९, २०८०

कार्यक्रममा पुरस्कृत तथा सम्मानितहरुका साथमा अतिथि र आयोजकहरु ।

झापा, भदौ २९ । मेचीनगर १० स्थीत धुलाबारी माविले एउटै कार्यक्रममा तीन दर्जन भन्दा बढीलाई सम्मान तथा पुरस्कार वितरण गरेको छ । ५९ औं राष्ट्रिय वाल दिवसको अवसरमा आज आयोजित बिषेश कार्यक्रमकाबीच विभिन्न सम्मान तथा विद्यार्थीहरुलाई छात्रबृत्तिबाट पुरस्कृत गरिएको धुलाबारी माविका प्रधानाध्यापक महेन्द्रविलास लुईटेलले बताउनु भयो । मेचीनगरका उपप्रमुख मिना उप्रेतीको प्रमुख आतिथ्यतामा पासाङल्हामू स्मृति जेसीज प्रतिष्ठान धुलाबारीमा आयोजित कार्यक्रमकामा ३७ जना विद्यार्थीहरुलाई विभिन्न छात्रबृत्तिबाट नगद र प्रमाण पत्र सहित पुरस्कृत गरिएको थियो भने विद्यालय शिक्षक योगेन्द्र खनालको अवकाश भएकाले वहाँलाई सम्मान सहित विदाई समेत गरिएको थियो ।

पुरस्कृत र सम्मानितहरुलाई कार्यक्रमकी प्रमुख अतिथि उपप्रमुख उप्रेती, विशिष्ठ अतिथि मेचीनगर १० का वडा अध्यक्ष नारायण खनाल, छात्रबृत्तिकाका लागि स्थापना भएका अक्षयकोषका संस्थापकहरु र दाता परिवारका सदस्यहरुले दोसल्ला, अविर र प्रमाण पत्र प्रदान गर्नु भएको थियो । विद्यालय व्यवस्थापन समितिका अध्यक्ष गणेश बिक्रम नेम्वाङको सभापतित्वमा सम्पन्न कार्यक्रममा प्रमुख अतिथि उप्रेतीले पुरस्कारले विद्यार्थीको हौसला बढ्ने र उनीहरुको अध्ययनमा ध्यान जाने बताउनु भयो ।

कार्यक्रम विद्यालयका शिक्षक अविभावक संघका अध्यक्ष लेखनाथ पराजुलीले लेखा प्रतिवेदन प्रस्तुत गर्नु भएको थियो । विद्यार्थी, अविभावक, आमा समूहका प्रतिनिधि र विद्यार्थीहरु सहितको उपस्थीती रहेको कार्यक्रममा विद्यालयका प्रधानाध्यपक महेन्द्रविलास लुईटेलले स्वागत मन्तव्य राख्नु भएको थियो भने सहायक प्रधानाध्यपक तेजप्रसाद चौलागाई र शिक्षक रमेशकुमार दाहालले संयुक्त रुपमा संञ्चालनमा कार्यक्रम सम्पन्न भएको थियो ।

हेर्नुहोस तस्वीरहरु ।